ü سئويره‌م
سؤكولن كؤكسومدور تؤكولن قانيم
سوْورولان عؤمرومدور قوْوورولان جانيم
ائل يانان اوْدلارا ، گره‌ك من يانيم
ائليم‌ده‌ن آلدايغيم اوْدو سئويره‌م
ùùù ùùù
چنلي دويغولارا چوْخدان يئتميشم
ائليم‌ده ايتميشم، ائل‌ده بيتميشم
پوْزولموش وارليق‌دا مسكن ائتميشم
مسكنيمه گئده‌ن يوْلو سئويره‌م
ùùù ùùù
گونش كوسوب گئديب دالدالانيبدير
ائليم وطنيمده تاپدالانيبدير
قانيم قاراليبدير ، لاختالانيبدير
قانيملا بوْيانان دوْنو سئويره‌م
ùùù ùùù
حسرت ديياريندا من نييه سوْلوم ؟!
تيكانليق يوردونا يئتيشيب يوْلوم
بيچيليب بوْغازيم باغلانيب قوْلوم
باغلانيب كسيلن قوْلو سئويره‌م
ùùù ùùù
دوْداغيم يارادير ، اؤده‌مير سؤزو
كؤزه‌رير كؤكسومده، كؤنلومون گؤزو
«ائلشني» اوْولاييب ائلي‌‌ـ‌نين سؤزو
من اوْنو اوْولايان اوْوو سئويره‌م
سؤكولن كؤكسومدور تؤكولن قانيم
سوْورولان عؤمرومدور قوْوورولان جانيم
ائل يانان اوْدلارا ، گره‌ك من يانيم
ائليم‌ده‌ن آلدايغيم اوْدو سئويره‌م
ùùù ùùù
چنلي دويغولارا چوْخدان يئتميشم
ائليم‌ده ايتميشم، ائل‌ده بيتميشم
پوْزولموش وارليق‌دا مسكن ائتميشم
مسكنيمه گئده‌ن يوْلو سئويره‌م
ùùù ùùù
گونش كوسوب گئديب دالدالانيبدير
ائليم وطنيمده تاپدالانيبدير
قانيم قاراليبدير ، لاختالانيبدير
قانيملا بوْيانان دوْنو سئويره‌م
ùùù ùùù
حسرت ديياريندا من نييه سوْلوم ؟!
تيكانليق يوردونا يئتيشيب يوْلوم
بيچيليب بوْغازيم باغلانيب قوْلوم
باغلانيب كسيلن قوْلو سئويره‌م
ùùù ùùù
دوْداغيم يارادير ، اؤده‌مير سؤزو
كؤزه‌رير كؤكسومده، كؤنلومون گؤزو
«ائلشني» اوْولاييب ائلي‌‌ـ‌نين سؤزو
من اوْنو اوْولايان اوْوو سئويره‌م
