ميللتيميز كيمين كيم اولدوغونو ياخشي بيلير !

ميللتيميز كيمين كيم اولدوغونو ياخشي بيلير !

ميللي اؤنده ريميز

ايكي مين يئددينجي ايلين فئورال آيي نين بيري گونئي آذربايجان تاريخي نين صحيفه لرينده هك اولونموش اونودولماز و قوتسال بير گوندور؛ دئمك بو اوغورو نائليت ، آذربايجانين فداكار ائولادلاري نين ايللر بويو يورولمادان چاليشمالاري نين و آزادليق اوغروندا تؤكولن اونورلو قانلاريميزين ثمره سيدير . ايلك اؤنجه گؤزه ل آذربايجانيميزين بيرلشميش ميللتلر تشكيلاتي نين دؤولتسيز ميللتلر قولوندا ( يو ان پي او ) اؤيه لي يي نين قبول اولونماسيني و قازانديغي بو تايسيز غلبه و نائيليتينه گؤره ، بوتون شرفلي ميللتيميزي و ميللتيميزين فداكار ائولادي ميللي اويانيش حركاتيميزين تئوريسيني و اردملي رهبري سايين پروفسور دوقتور چاغري به ي چؤهره قانلي جنابلاريني و ميللي حركاتيميزين بوتون چاليشغانلاريني صميم-ي قلبده ن قوتلاييرام . اولوتانرييا بيزه بخش ائتدي يي بو بؤيوك نئعمتلره گؤره و شهيدليرميزين فارس شوونيسمي نين الي ايله آخيديلميش قانلاري نين يئرده قالماماسينا گؤره شوكورلر اولسون. عئشق اي ييرمي بير آذرحكاتيندان چؤهره قانلي حركاتينا ده ك وطن اوغرونداجانلاريني فدا ائده ن ده يه رلي شهيدلريميزه ،عئشق اولسون ميللتيميزه ، عئشق اولسون ميللي اؤنده ريميزه و ميللي حركاتيميزين بوتون چاليشقانلارينا .

شوكورلر اولسون كي ، بو ميللي ظفر و قازانجيميزين دولاييسيلا ايندي گونئي آذربايجان آدلي ايشغال آلتيندا اولان بيراؤلكه نين تاريخي تورپاغلاري نين تثبيتي و اؤلكه ميزين نامينه قالديريلميش ميللي قوتسال بايراغيميز و هر شئيده ن اؤنملي ايشغال اولونموش اؤلكه ميزين قورتولوشو اوغروندا باشلانان حركاتيميزو بو حركاتين تئوريسني و رهبري اولوسلار آراسي تشكيلاتلاردا رسمي اولاراق تانينيبدير . هاميميزين بيلديميز كيمي ، بو بؤيوك غلبه و قازانج آزادليق اوغروندا وئردي ييميز هزينه لرين ثمره سي دئمكدير كي ، هله ده آرديجيل اولاراق بو هزينه لر اوزولمه ده ن آرتماقدادير . بو تايسيز و بؤيوك غلبه نين قارشي سيندا ، بيزيم ميللي بورجوموز و اؤده ويميز بو نائيليته صاحيب چيخيب بيرليكده سون غلبه لره دوغرو ايره لي له مه لي ييك . بو ده يه رلي قازانجدان سونرا ميللي اويانيش حركاتيميزين بوتون چاليشغانلاري نين داها چوخراق آييغليقلاري گره كدير ، چونكي فارس شوونيسمي آرتيق يارالي بيرايلانا چئوريلره ك آذربايجان ميللتينه قارشي الينده ن گلني اسيرگه مييه جكدير . سون واختلار ميللي چاليشغانلارين سيرالاريندا تؤره ديلميش آنلاشيلمامازليقلارفارس شوونيسمي نين سئچه نكلرينده ن بيري اولماسيني گؤزده ن قاچيرمامالي ييق . البته بو ميللي قازانج هر بير شئيه سون قويدو ، چونكي رسميته تانينان تورپاغين يالنيز ويالنيز رسميته تانينميش بير رهبري وبير بايراغي واردير ، بونا قارشي چيخماق گونئي آذربايجان ميللتي ايله يوللاريني آييرماق آنلامينا گتيريب چيخارير . باشقا سؤزله فارس شوونيسمي نين قوردوغو توزاقلارا دوشوب ميللي حركاتيميزين ايره لي له مه سينه انگل تؤره تمك دئمكدير؛ بونون دولايي سيلا بوتون اينتئرنئت دوشرگه لريميز ، آذربايجان خالقي نين اولوسال يارارلاريني گونده مه قوياراق چاليشماليديرلار. اونوتموياليم كي ، الده ائديلميش بو بؤيوك ظفرين قازانيلماسيني يوخودا دا گؤرمه يي آداما سئوينج گتيره ردي آمما ايندي بو گئرچك دونياميزدا الده ائديلميشدير؛ منجه آذربايجان ميللي حركاتيندا بعضا فيكير آيريليغي اولدوغونا رغما بو بؤيوك نائيليتين آذربايجان اولوسونون نامينه اولدوغونا گؤره گئرچك ميللتچي لريميزده ن كيمسه بو بؤيوك ظفرين قارشيسيندا منفي تپكي گؤسترمز . البته دونه نه ده ك سؤزده ميللتچي اولانلارسؤز قونوسو دئييلديلر ، بو تيپ آداملارين زامان اؤتدوكجه كيم اولدوغلاري داها چوخراق آيدينلاشاجاقدير.

يانيلماسام بو سؤزافلاتونونداندير كي ، دوزگون بير ليدئر دائيما اؤز ميللتي نين آردينجا يورويه ر ، دئميشدير :
هر بير زامان ميللتيميزين ايستكلري چرچيوه سينده چاليشان ميللي اؤنده ريميزين استراتئژيك دوروملاردا سئچدي يي سئچه نكلر و گؤستريشلري و دونيا سويه سينده آذربايجان خالقي نين مظلوميتيني و دوروملاريني اولوسلار آراسي تشكيلاتلارا و پولئتيكاچيلارا چاتديرماسي نين دولايي سيلا بو بؤيوك نائليت الده ائديلميشدير . آرتيق بيزيم ذكالي خالقي ميللي شوعورويلا كيمين كيم اولدوغونو ياخشي بيلير ! من ده بيرگونئي آذربايجان وطنداشي اولاراق الده ائديلميش بو بؤيوك ظفرين شنلي ييني پايلاشماق اوچون دئييره م : سايين اؤنده ر !

( سن اؤيره تدين )


تاپداديغين بو حاق يولون ،

تاپداغي ،

سن ؛

يولچوسو ،

سن .

*** ***

دونن منيم ،

نه آياغيم ،

نه تورپاغيم ،

نه بايراغيم اولان چاغدا !

سن اؤيره تدين ،

دئدين منه :

تورپاغين وار !

بايراغين وار !

قالخ آياغا ، آياغين وار !

*** ***

كيملي ييمي جالاغلادين

بير حاق يولا ،

من او يولون اوزه رينده ،

الده بايراق يورويه نين ،

آياغيندان اؤپه سي يم .

اؤيره تدي يين قوتسال يولون ،

اوغروندا من اؤله سي يم .

!


ائلشن

elshanulubayraq@yahoo.com