عوموم دونيا آنا ديلي گونو عرفه سينده آذربايجان ميللتي نين دوغال حاقلاريني ايسته مه لري نين سه سيني بوغماق آماجييلا ، فارس شوونيسمي اؤز گئرچك اوزونو بيرداها گوسترمه ده دير . سون گونلرده آذربايجانين قوم شهرينده فارس شوونيسمي نين ايطيلاعات – امنيت گوجلري طرفينده ن آذربايجان گنجلرينه قارشي تؤره ديلن باسقيلار ندنيله ، گئت –گئده دوروم داها آغيرلاشير . بهمن آيي نين اي ييرمي دؤردونده ن بري آذربايجان ميللتچيلرينده ن ياخلاشيق اوتوز نفري ايطيلاعات داييره سينه چاغيريلاراق هده له نيب و بعضا ايسه فيزيكي ايشكنجه لره معروض قالميشلار . بو گون ايسفند آيي نين بيرينده ميللتچيلرده ن قارداشلاريميز مهنديس حميد حسنوند ، علي عبدالهي و محمد عبدالهي ايطيلاعات داييره سينه چاغيريلميشلار . توتوقلانانلاردان عزيز قارداشلاريميز مئهدي مولايي وعلي عبدالهي فيزيكي ايشكنجه لره و ريضا درجزيني ( آتيلا ) ايسه روحي ايشكنجه لره معروض قالميشلار. هله ليك الده ائديلميش بيلگيلره گؤره جعفر عابديني و مسعود پژمان ايسه توتوقلانميشلار . همچنين سايين يوسيف سولئيماني ايسه اوچونجو كره اولاراق بو گون قومون ايطيلاعات داييره سينه چاغيريليبدير . فارس شوونيسمي نين قوم شهرينده ياراتديغي امنيتي آتموسفئرين ندنيله بو شهرده دورومون داها گرگينلشمه سي گؤزله نيلير
