گونئي آذربايجانين تاريخي اوغورو
بو ظفر ميللي حرکاتا تکان وئره جک
گونئي آذربايجان ميللي حرکاتي نؤوبتي ديپلوماتيک اوغور الده ائديب. فئورالين 2 و 3-ده بروكسئلده توپلانان دؤولتي اولمايان ميلتلرين بئين الخالق تشکيلاتي (يوان پي ا و) گونئي آذربايجاني عوضولويه قبول ائديب. گونئي ميللي حرکاتي نين ليدئري دوکتور چؤهرقانلي نين رهبرليک ائتديگي نوماينده هئيتي نين ده قاتيلديغي توپلانتيدا چيخيش ائدن قورومون رهبري بو باره ده موراجيعتين اونلارا ايکي ايل اول وئريلديگيني ديقته چاتديريب. قئيد ائدک کي، ايکي ايل اؤنجه گونئيين بو نوفوزلو بئين الخالق تشکيلاتا عوضو اولماسيني گاموح خاهيش ائتميشدي. تشکيلات آپارديغي 18 آيليق آراشديرمادان سونرا گونئي آذربايجاني يو انپ او-يا قبول ائديب. بوندان سونرا تشکيلاتين يئرلشديگي اوفيسين اؤنونده گونئي آذربايجانين ميللي حرکاتين 2003-جو ايل بز قورولتاييندا قبول ائتديگي اوچرنگلي بايراغي دالغالاناجاق. بير سيرا ائکسپئرتلر " اونپو رسمي قوروم دئييل " دئيه بو حاديثه نين اهميتيني آزالتماغا چاليشيرلار. آما فيکريميزجه، بو حاديثه نين-گونئي آذربايجان تورکلري نين دؤولتي اولمايان ميلتلرين بئين الخالق تشکيلاتينا عوضولويه قبول اولونماسي نين بؤيوک تاريخي اؤنه مي وار. اولا، بو حاديثه ايله دونيا، اونون بئيين مرکزلريندن بيري اولان آوروپا گونئي آذربايجان اين وارليغيني بيلدي. آذربايجان تورکلري نين تاريخي عدالتسيزليک نتيجه سينده ايکي يئره بؤلونمو ش خالق اولدو غوندان، بؤيوک بير حيصه سي نين ايران آدلانان دؤولتده آنتي بشري بير حاکيميتين ظولمو آلتيندا اينله ديگيندن خبر توتدو. بو تاريخي حاقيقت بونا قدر ده بيلينيردي، آما بو، گونئي آذربايجان -ين وارليغي نين دونيا، اونون نوفوزلو تشکيلاتلاريندان بيري طرفيندن رسمن تصديقي اولدو. گونئي آذربايجانين يوان پي او-يا قبولو ميللي حرکاتين و اونون طلبلري نين دونيايا تانيديلماسي، چاتديريلماسي با خيميندان دا اؤنمليدير. بوندان سونرا گونئي آذربايجان تورکلري اؤز دردلريني آنلاتماغا داها بير تريبونا الده ائتديلر. بو حاديثه ايراندا مؤوجود ايرتيجاچي رئژيمي قوروماق اوچون دا خيلده وخاريجده ميلياردلارخرجله ين موللا رئژيمي نين، مو خته ليف آدلار آلتيندا و باشقا-باشقا قييافه لرده فعاليت گؤسترن فارس شووينيستلري نين مغلوبيتيدير. گونئي آذربايجانين بو تاريخي او غورو موللا رئژيمينه قارشي موجاديله وئرن فداکار اينسانلاري داها دا هوسلنديره جک، ميللي حرکاتا تکان وئره جک. بو حاديثه ايران رئژيمينه قارشي موباريزه نين اؤنونده کيمين، هانسي قوووه نين گئتديگيني بير داها ثوبوت ائتدي. بو حاديثه گونئي آذربايجان ميللي حرکاتي نين باشي پوزوق، ايداره اولونماز قوووه اولماديغيني، ياخشي تشکيل اولونموش موبيل قوووه اولدوغونو ايثباتلادي. حرکاتين ديپلوماتيک اوغورو هئچ شوبهه سيز کي، اؤتن ايلين ماييندا گونئي آذربايجان شهرلرينده اؤز حاقلاري اوغروندا ساواشا قالخميش، رئژيمه گوج گؤسترميش، آغير رئپرئسسييالارا اوغراسا دا، گئري چکيلمه ميش ميللي حرکاتين، اونون اؤنونده گئدن فداکار اينسانلارين اوغورودور! ماي حاديثه لري تکجه موللا رئژيمينه دئييل، گونئي آذربايجانين وارليغيني، ايراندا سايي 35 ميليونا چاتان آذربايجان تورکلري نين مؤوجودلوغونو دانماق ايسته ين خاريجي دايره لره ده ترس سيلله اولدو. اونلار آنلاديلار کي، گونئي آذربايجان تورکلري اولمادان موللا رئژيميني ييخماق، ايرانين يئنيدن قورولماسيني رئاللاشديرماق مومکون اولماياجاق. او حاديثه لره قدر گونئي ميللي حرکاتي نين، اونون تمثيلچيسي اولان گاموح-اون او غورلو فعاليتي واردي. ماي حاديثه لري ميللي حرکاتين خاريجده کي لوببي چيلرينه جيدي دستک اولدو. گونئي آذربايجان با يرا غي نين آوروپانين مرکزينده اوجالديلماسي باشدا دوکتور چؤهرقانلي اولماقلا گونئي ميللي حرکاتي نين باشاريسي اوچون ساغلامليغيني، جانيني قوربان وئرميش آبباس ليساني کيمي سياسي فعاللارين اوغورودور. بو حاديثه دوکتور چؤهرقانلي نين گونئي آذربايجان ميللي حرکاتي نين شريکسيز ليدئري اولدوغونو، ايچريده کي حرکاتچيلارين ايسه اونون گؤستريش و تؤوصييه لري ايله حرکت ائتديگيني گؤستردي. بير داها بللي اولدو کي، ميللي حرکاتين آلتي ايل اؤنجه دوکتور ماحمودعلي چؤهرقانلي نين ايران سينيرلاريندان چيخماسي باره ده کي قراري دوغرو ايميش. حرکات ليدئري نين خاريجه چيماقلا بيته جگيني حسابلايانلار يانيلدي. چؤهرقانلي هم اؤزونو قورودو، هم ده ميللي حرکاتين ال-قول آچماسيني، شبکلنمه سيني، اؤز ايدئيالاريني دونيايا چاتديرماسيني ساغلادي. قئيد ائدک کي، محض دوکتورون ايراندان چيخماسيندان سونرا ميللي حرکات خاريجده تانينماغا، تشکيلاتلانماغا، ستروکتورلاشماغا، خاريجي نوماينده ليکلريني آچما غا باشلادي. آرتيق گاموح-اون موخته ليف قيته لرده اولماقلا 20-دن چوخاؤلکه ده دايمي نوماينده ليکلري، بير نئچه رئگيونال ته شکيلاتي وار. اونلاردان بيري گونئي آذربايجانين يوان پي او-يا قبول اولونماسيندا تاثيرلي فعاليت گؤسترميش، چابا صرف ائتميش گاموح-اون آوروپا تشکيلاتيدير. تک گاموح-اون دئييل، بوتون گونئي آذربايجان تورکلري نين اوغورو اولان بو حاديثه بير نئچه ايل اؤنجه ميللي حرکاتا، اونون ليدئرينه حاقسيز هوجوملار ائدنلر، بز قالاسيندا کئچيريلن ميللي قورولتايدا قالديريلميش اوچرنگلي بايراغا " موزامبيک بايراغي " دئيه رک حقارت ائدن، " من سرحددي سؤکوب ميلتي بيرلشديرنده چؤهرقانلي ژاندارم گئييمينده مني، ميلتچيلري دؤيوردو " دئيه حديان دانيشان " ليدئرجيکلره " جاواب اولدو. گونئيين يوان پي او-يا قبول ائديلمه سي ايرانين اسارت آلتيندا اولان ديگرخالقلار اين-بلوجلارين، کوردلرين، اهواز عربلري نين ده ميللي ساواشينا ستيمول وئره جک. بو باخيمدان گونئ يين اوغورو هم ده مورتجيع موللا رئژيميني دئويرمک نييتينده اولان و ايرانين پارچالانماسيني ايسته ين سوپئرگوجلرين ده ايشينه يارايير. دئمه لي، بوندان سونرا گونئي آذربايجانا جيدي بئين الخالق دستگين وئريله جگي فاکتورونون سياسي گوندمه گله جگيني، بئين الخالق موناسيبتلرين پرئدمئتينه چئوريله جگيني گؤزله مک اولار.
ائلمان جفر لي
http://http://www.olaylar.az/index.php?newsid=1170749983
