بو قالا داشلي قالا !
ائلشن اولوبايراق
آذربايجانيميزدا باشلانان ميللي حركاتيميزدان ايللر بويو اؤنجه ، اوره ييم توركسوزله ديكده ، ده يه رلي اينسانيميز رحمتليك علي تبريزي –ني گئديب گؤرمك زوروندا قالارديم . اونو نلا گؤروشوب دانيشديقدان سونرا ، موراللاناراق گله جه يه ايناميم قات-قات آرتاردي . اونون گوستريشلري منه بير اوستاد تاپشيريقلاري كيمي اولاراق بوتون ياشام بويو ، يولومون چيراغي ، اوره ييمين اينامي اولدو . اونون توركچولويو آچيقلاماسي ، توركلويه اولان اينامي و آذربايجانيميزدا گون گله سي گنجلريميزين اؤز كيمليكلرينين قئيدينه قالاراق مؤعجيزه لر ياراتماسينا اينانماسي اؤز نؤوعونده تايسيز دير . بو آرادا رحمتليك علي تبريزلي نين ، بعضي سؤزلرينين آنلاميني زامان اؤتدوكده آنلاييرام . رحمتليك علي تبريزلي ني يالنيز بير ديل ، ادبيات وتاريخ اوستادي كيمي دئييل ! اونو ، آذربايجانيمييزين گله جه ييني اؤنده ن گؤره ن بير كيمسه كيمي ده ير لنديرسك هئچ ده يانيلماميشيق . نهايت اونون سؤز وئردي يي و گؤزله دييي مؤعجيزه آذربايجانيميزين تاريخينده ، ايلك دفعه اولاراق گنجلريميزين اؤز اولوسال كيمليكلرينه ده يه ر وئرمه سيله ياناشي ، خالقيميزين اردملي اوغلو ميللي اؤنده ريميزسايين دوقتور چؤهره قانلي نين اولوملو گؤستريشلريله اوز وئرمه يه باشلادي . آذربايجان ميللي حركاتي نين الده ائتديكلريني گئرچكده ن ده بير مؤعجيزه كيمي اولاراق آدلانديريلماسي ميللي حركاتيميزا ان اويغون بير آد كيمي ده يه ر لنديمك اولار .
بو بير دانيلماز گئرچكدير كي ،آذربايجان ميللي حركاتي-نين بوتون قازانديغي نائيليتلر و ظفرلر ، ميللي اؤنده ريميزين ميللي حركاتا تعريف ائتدي يي تئوريلر و او تئوريلري اولوملاشديريلماسينا عاييد گوستريشلري ايله سيخ باغليدير. اؤزونو خالقي نين روتبه سيزعسگري سانان سايين دوقتور چؤهرقانلي به يين سؤزلري اوميد وئريجي اولاراق ، هر بير زامان ميللي فعاللاردا يورولمازليق ياراداراق گوجوموزو گونده ن گونه داها آرتيقراق چوخالديب ، مؤعجيزه لرين و ميللي حماسه لرين يارانماسينا سبب اولوبدور . اذربايجان ميللي حركاتي-نين دونه نينه و بو گونونه نظر سالديقدا ، ميللي حركاتيميزين رهبرلي يي –نين اؤنملي رولونو باشقا ظفر قازانميش قورتولوش حركاتلاري كيمي گؤروروك . خالقيميز هر بير ييغينجاقلاردا " بوقالا داشلي قالا " ماهني سيني اوخوماغلا ، آذربايجان ميللي حركاتي-نين قارشي سيندا اولان يوللارين چتينلي ييني و خالقيميزين بو چتين يوللاري هر بير چتينليكلره رغما گئتمك قرارينا گلمه سيله برابر ، اؤز ميللي اؤنده رينه و اونون قورتولوش اوغروندا اولان گؤستريشلرينه وفالي اولماسيني گؤسترير. بير نئچه گون بوندان اؤنجه گورجوستان –ين ايشغالي آلتيندا اولان آخيسقا توركلري نين بير اينتئرنئت سايتيندان گؤروش آپاراركن ، سايت-ين يوخاريسيندا يئرله شن بيريازي" كئشكه بيزيم بير اؤنده ريميز اولايدي " گئرچكده ن ده مني كؤوره لتدي . بو يازي- يا ده رينده ن ديققت ائتديكده ، آخيسقا توركلري –نين ايللر بويو باغامسيزليق اوغروندا موجاديله لري –نين هله ده ثمره سيز قالماسي- نين نده ني اورتايا چيخير . دئمك ؛ قورتولوش اوغروندا گئده ن موجاديله لرين ، يالنيز آخيسقا توركلري –نين دئييل بلكه ، بوتون تاريخ بويو دونيانين هر بير بوجاغيندا قورتولوش يولوندا آپاريلان موجاديله لرين ثمره وئرمه سي اوچون ، ايلك اؤنجه تئوريسين ورهبرلي يي اؤنم داشي يير . بيزيم اؤز چاغيميزدا ، گاندي ده ن دوتوب ماندئللايا ده ك ، قورتولوش حركتلري-نين الده ائتديكليري نائيلييتلر ، توپلوملارين اؤزلرينه سئچديكلري رهبرلرين توتدوقلاري مؤوقئع وسئچديكلري ايستيراتئژيلرده ن آسيليدير . آذربايجان خالقي –نين قازانديغي ظفرلردوشمانلارين گؤزونده بير اوخ كيمي اولاراق ، دوشمنلر طرفينده ن ميللي حركاتا ، او جومله ده ن حركاتين رهبرلي يينه قارشي هر گون فيتنه لرين يارانماسينا تانيق اولوروق . سون واختلار بو فيتنه لرين باشقا بير تورونون اورتايا چيخماسي و بو فيتنه لري هاميدان اؤنجه سايين ميللي اؤنده ريميزين باشا دوشوب اونا قارشي اؤز تپكيسيني گؤسترمه سي ، گونئي اذربايجان خالقي – نين ميللي حركاتي-نين سارسيلمازليغيني و يئنيلمزلي ييني ايثباتلانديردي . قوزئي آذربايجاندا حاكميت ده اولان كورد كؤكنلي علي يئولر موطلقيتي ، بؤلگه ده ايران آدلانان اؤلكه نين فاشيست رئژيمي-نين ان ياخين دوستونا چئوريله رك آذربايجان خالقي ايله اوز-اوزه دايانماسي-نين نده نيني آختارماق ايسته سك بير قده ر گئري يه دؤنمه لي ييك . هامي-نين بيلدي يي كيمي سووئتلر بيرلي يي-نين داغيلماسي-نين آردينجا قوزئي آذربايجاندا حاكميتده اولان كومونيستلرين الينده ن حؤكومتي چيخارماق اوچون ، آذربايجان خالقي موطلييب اوفا قارشي آياغا قالخاراق ، موطلليب اوفون موسكووايا قاچماسييلابيتدي . بو نون آردينجا آذربايجاندا دئموكراتيك بير سئچگيده خالق جبهه سي-نين تمثيلچيسي ، رحمتليك ابيلفض ائلچي به يين ، حاكميته چاتماسيلا ، قوزئي آذربايجاندا ميللي و باغامسيز بير حؤكومت قورولدو . ائلچي به-يين حاكميته چاتماسيلا برابرقاراباغين ائرمنيلر طرفينده ن ايشغال اولونموش قيرخ يئددي كندي بير نئچه گونون ايچينده آزاد اولوندو . آذربايجان خالقيندا ميللي هيجان و ميللي دوشونجه آرتدي . بو آرادا ائلچي به يين گونئي آذربايجانا قارشي موناسيبه تي ايران رئژيميني راحاتسيز ائده رك ، آذربايجان حاكميتينه و تورپاق بوتؤولويونه قارشي ، فيتنه لر ياراتماق قرارينا گلدي. ائلچي به ي حؤكومتي –نين ايش اوسته گلمه سينده ن هله آلتي آي كئچمه ميشدي كي ، خامنه اي –نين اؤزه ل فرماني ايله ، غربي آذربايجان ويلايتي-نين كئچميش واليسي مهنديس قوربانعلي سعادت ، بير اوچاقلا ، حئيدر علي يئوي ناخچيواندان اورمويا گتيره ره ك ، اوچ گون اورومودا ايمام حوسئين (ع) رؤوضه سينه قولاق آسيب آغلاديقدان سونرا و بير نئچه گون مشهد زيارتي-نين آردينجا ، تئهرانا ايران آدلانان اؤلكه نين رهبري خامنه اي ايله گؤروشلر آپاردي . آرخا پيلاندا نه لر پلانلاندي كيمسه بيلمه دي ، آمما ائله بو گؤروشلرده ن سونرا ، آذربايجان خالقي –نين باشينا اينانيلماز بلالارين گلمه سينه تانيق اولدوق . ايلك اؤنجه آذربايجان اوردوسونون باش كومانداني صورت حوسئين اوف آرخاسيني ائرمنيلره ساري دؤنده ره ره ك ، تاليش رئسپوبليكاسي ياراتماق آماجيلا گئري دؤندو . خالق جبهه سي-نين ائرمنيلرده ن گئري آلديغي تورپاغلارلا ياناشي ، باشقا بؤلگه لرايسه ائرمنيلر طرفينده ن يئني ده ن ايشغال اولوندو. اودوزموش آذربايجان خالقي ، بو دورومدان چيخيش يولونو آراياركن ، كومونيستليكده ن يئني تؤوبه ائتميش كورد كؤكنلي ، يئنگي موسلمان حئيدر علي يئو ، عوصيانچي صورت حوسئين اوفلا أل بير اولاراق ، آذربايجانين ميللي حؤكومتي-نين ساختاكارليقلا ، ييخيلماسينا نده ن اولدولار. سون واختلارگونئي آذربايجان ميللي حركاتينا قارشي قورولان فيتنه لره ديققت ائتديكده ، ائلچي به ي حاكميتيه قارشي قورولان فيتنه لرين آراسيندا بير چوخ اوخشارليقلار گؤزه چارپير . سيز باخين ائلچي به ي حؤكومه تيني او واختلار و هله ده بير ميللت خائيني كيمي آدلانديريلماسينا و سايين ميللي اؤنده ريميزه قارشي حوسئين به ي تورك ائللي-نين طرفينده ن آپاريلان تخريباتلارآراسيندا اولان اورتاقليقلار، سانكي بير بوغازدان چيخميش كيميديرلر. گاموح دان بير نئچه نفر آيريلماق قرارينا گلديلر؛ آذربايجان ميللي حركاتي كيمي بؤيوك بير حركاتين ايچينده ، فيكير آيريليغي –نين دولاييسيلا ، بعضا آخساقليقلارين اولماسي ، دوغال اولاراق هئچده حركاتين ايره لي له مه سينده انگل تؤره ده بيلمه ز. فيكير آيريليغي ايله تخريبات آپارانلار آراسيندا اولان فرقلري دوشونمه لي ييك . سيز باخين سايين دوقتور يزداني به يين آيريلماسيلا حوسئين به ي تورك ائللي –نين آيريلماسينا ! حوسئين به ي طرفينده ن تخريبات آپارماقلا ياناشي بير قورومون رسمي سيته -سيني اوغورلانماسي ، حتي گاموح موخاليفلرينه ايرنج گلميشدي ؛ اونون بو ايشي بوتون ساغلام حركاتچيلارطرفينده ن اينانيلماز بير ايش كيمي ده يه رلنديريلدي . اونون بو ايشينه بير نئچه كومونيست ده ن باشقا كيمسه ده يه روئرمه دي . گاموحلا برك موخاليف اولان حركاتچيلاردان بيريسي ، حوسئين به ي تورك ائللي –نين هم ايشينده ن هم ده اؤزونده ن اوره ييم بولانير دئديكده ، اونون غيري -عقلاني ايشي نين چيركينلي ييني گؤسته رير.
كورد كؤكنلي علي يئو و اونا بنزر آذربايجان خالق-نين دوشمنلري بونو بيلمه ليديرلر كي ، آذربايجان ميللي حركاني بير اوقده ر بؤيوموش كي ، چوخلاريني او جومله ده ن ايرانين فاشيست رئژيميني سارسيلماغا سالميشدير . ايلهام علي يئو بو ايشلري ايله ، اؤز حقيقي كيملي ييني گؤسترمكده ن باشقا بيرايش گؤره بيلمه جه كدير. بلكه ده علي يئو ، خورداد حماسه سي نين بيرينجي ايل دؤنومونون عرفه سينده ، گونئي آذربايجان خالقينا قارشي ، آپارديغي فيتنه كارليقلارلا ، ايران رئژيمينه كئچميش عا ئيله وي بورجونو اؤده مك ايسته يير ! آمما بوتون بو تور فيتنه كارليقلارا رغما ، آذربايجان خالقي-نين ميللي حركاتي ، اؤز ميللي ليدئري-نين گؤستريشلري ايله اوغورلو يولونا داوام ائتمكده دير .
ائلشن اولوبايراق
آذربايجانيميزدا باشلانان ميللي حركاتيميزدان ايللر بويو اؤنجه ، اوره ييم توركسوزله ديكده ، ده يه رلي اينسانيميز رحمتليك علي تبريزي –ني گئديب گؤرمك زوروندا قالارديم . اونو نلا گؤروشوب دانيشديقدان سونرا ، موراللاناراق گله جه يه ايناميم قات-قات آرتاردي . اونون گوستريشلري منه بير اوستاد تاپشيريقلاري كيمي اولاراق بوتون ياشام بويو ، يولومون چيراغي ، اوره ييمين اينامي اولدو . اونون توركچولويو آچيقلاماسي ، توركلويه اولان اينامي و آذربايجانيميزدا گون گله سي گنجلريميزين اؤز كيمليكلرينين قئيدينه قالاراق مؤعجيزه لر ياراتماسينا اينانماسي اؤز نؤوعونده تايسيز دير . بو آرادا رحمتليك علي تبريزلي نين ، بعضي سؤزلرينين آنلاميني زامان اؤتدوكده آنلاييرام . رحمتليك علي تبريزلي ني يالنيز بير ديل ، ادبيات وتاريخ اوستادي كيمي دئييل ! اونو ، آذربايجانيمييزين گله جه ييني اؤنده ن گؤره ن بير كيمسه كيمي ده ير لنديرسك هئچ ده يانيلماميشيق . نهايت اونون سؤز وئردي يي و گؤزله دييي مؤعجيزه آذربايجانيميزين تاريخينده ، ايلك دفعه اولاراق گنجلريميزين اؤز اولوسال كيمليكلرينه ده يه ر وئرمه سيله ياناشي ، خالقيميزين اردملي اوغلو ميللي اؤنده ريميزسايين دوقتور چؤهره قانلي نين اولوملو گؤستريشلريله اوز وئرمه يه باشلادي . آذربايجان ميللي حركاتي نين الده ائتديكلريني گئرچكده ن ده بير مؤعجيزه كيمي اولاراق آدلانديريلماسي ميللي حركاتيميزا ان اويغون بير آد كيمي ده يه ر لنديمك اولار .
بو بير دانيلماز گئرچكدير كي ،آذربايجان ميللي حركاتي-نين بوتون قازانديغي نائيليتلر و ظفرلر ، ميللي اؤنده ريميزين ميللي حركاتا تعريف ائتدي يي تئوريلر و او تئوريلري اولوملاشديريلماسينا عاييد گوستريشلري ايله سيخ باغليدير. اؤزونو خالقي نين روتبه سيزعسگري سانان سايين دوقتور چؤهرقانلي به يين سؤزلري اوميد وئريجي اولاراق ، هر بير زامان ميللي فعاللاردا يورولمازليق ياراداراق گوجوموزو گونده ن گونه داها آرتيقراق چوخالديب ، مؤعجيزه لرين و ميللي حماسه لرين يارانماسينا سبب اولوبدور . اذربايجان ميللي حركاتي-نين دونه نينه و بو گونونه نظر سالديقدا ، ميللي حركاتيميزين رهبرلي يي –نين اؤنملي رولونو باشقا ظفر قازانميش قورتولوش حركاتلاري كيمي گؤروروك . خالقيميز هر بير ييغينجاقلاردا " بوقالا داشلي قالا " ماهني سيني اوخوماغلا ، آذربايجان ميللي حركاتي-نين قارشي سيندا اولان يوللارين چتينلي ييني و خالقيميزين بو چتين يوللاري هر بير چتينليكلره رغما گئتمك قرارينا گلمه سيله برابر ، اؤز ميللي اؤنده رينه و اونون قورتولوش اوغروندا اولان گؤستريشلرينه وفالي اولماسيني گؤسترير. بير نئچه گون بوندان اؤنجه گورجوستان –ين ايشغالي آلتيندا اولان آخيسقا توركلري نين بير اينتئرنئت سايتيندان گؤروش آپاراركن ، سايت-ين يوخاريسيندا يئرله شن بيريازي" كئشكه بيزيم بير اؤنده ريميز اولايدي " گئرچكده ن ده مني كؤوره لتدي . بو يازي- يا ده رينده ن ديققت ائتديكده ، آخيسقا توركلري –نين ايللر بويو باغامسيزليق اوغروندا موجاديله لري –نين هله ده ثمره سيز قالماسي- نين نده ني اورتايا چيخير . دئمك ؛ قورتولوش اوغروندا گئده ن موجاديله لرين ، يالنيز آخيسقا توركلري –نين دئييل بلكه ، بوتون تاريخ بويو دونيانين هر بير بوجاغيندا قورتولوش يولوندا آپاريلان موجاديله لرين ثمره وئرمه سي اوچون ، ايلك اؤنجه تئوريسين ورهبرلي يي اؤنم داشي يير . بيزيم اؤز چاغيميزدا ، گاندي ده ن دوتوب ماندئللايا ده ك ، قورتولوش حركتلري-نين الده ائتديكليري نائيلييتلر ، توپلوملارين اؤزلرينه سئچديكلري رهبرلرين توتدوقلاري مؤوقئع وسئچديكلري ايستيراتئژيلرده ن آسيليدير . آذربايجان خالقي –نين قازانديغي ظفرلردوشمانلارين گؤزونده بير اوخ كيمي اولاراق ، دوشمنلر طرفينده ن ميللي حركاتا ، او جومله ده ن حركاتين رهبرلي يينه قارشي هر گون فيتنه لرين يارانماسينا تانيق اولوروق . سون واختلار بو فيتنه لرين باشقا بير تورونون اورتايا چيخماسي و بو فيتنه لري هاميدان اؤنجه سايين ميللي اؤنده ريميزين باشا دوشوب اونا قارشي اؤز تپكيسيني گؤسترمه سي ، گونئي اذربايجان خالقي – نين ميللي حركاتي-نين سارسيلمازليغيني و يئنيلمزلي ييني ايثباتلانديردي . قوزئي آذربايجاندا حاكميت ده اولان كورد كؤكنلي علي يئولر موطلقيتي ، بؤلگه ده ايران آدلانان اؤلكه نين فاشيست رئژيمي-نين ان ياخين دوستونا چئوريله رك آذربايجان خالقي ايله اوز-اوزه دايانماسي-نين نده نيني آختارماق ايسته سك بير قده ر گئري يه دؤنمه لي ييك . هامي-نين بيلدي يي كيمي سووئتلر بيرلي يي-نين داغيلماسي-نين آردينجا قوزئي آذربايجاندا حاكميتده اولان كومونيستلرين الينده ن حؤكومتي چيخارماق اوچون ، آذربايجان خالقي موطلييب اوفا قارشي آياغا قالخاراق ، موطلليب اوفون موسكووايا قاچماسييلابيتدي . بو نون آردينجا آذربايجاندا دئموكراتيك بير سئچگيده خالق جبهه سي-نين تمثيلچيسي ، رحمتليك ابيلفض ائلچي به يين ، حاكميته چاتماسيلا ، قوزئي آذربايجاندا ميللي و باغامسيز بير حؤكومت قورولدو . ائلچي به-يين حاكميته چاتماسيلا برابرقاراباغين ائرمنيلر طرفينده ن ايشغال اولونموش قيرخ يئددي كندي بير نئچه گونون ايچينده آزاد اولوندو . آذربايجان خالقيندا ميللي هيجان و ميللي دوشونجه آرتدي . بو آرادا ائلچي به يين گونئي آذربايجانا قارشي موناسيبه تي ايران رئژيميني راحاتسيز ائده رك ، آذربايجان حاكميتينه و تورپاق بوتؤولويونه قارشي ، فيتنه لر ياراتماق قرارينا گلدي. ائلچي به ي حؤكومتي –نين ايش اوسته گلمه سينده ن هله آلتي آي كئچمه ميشدي كي ، خامنه اي –نين اؤزه ل فرماني ايله ، غربي آذربايجان ويلايتي-نين كئچميش واليسي مهنديس قوربانعلي سعادت ، بير اوچاقلا ، حئيدر علي يئوي ناخچيواندان اورمويا گتيره ره ك ، اوچ گون اورومودا ايمام حوسئين (ع) رؤوضه سينه قولاق آسيب آغلاديقدان سونرا و بير نئچه گون مشهد زيارتي-نين آردينجا ، تئهرانا ايران آدلانان اؤلكه نين رهبري خامنه اي ايله گؤروشلر آپاردي . آرخا پيلاندا نه لر پلانلاندي كيمسه بيلمه دي ، آمما ائله بو گؤروشلرده ن سونرا ، آذربايجان خالقي –نين باشينا اينانيلماز بلالارين گلمه سينه تانيق اولدوق . ايلك اؤنجه آذربايجان اوردوسونون باش كومانداني صورت حوسئين اوف آرخاسيني ائرمنيلره ساري دؤنده ره ره ك ، تاليش رئسپوبليكاسي ياراتماق آماجيلا گئري دؤندو . خالق جبهه سي-نين ائرمنيلرده ن گئري آلديغي تورپاغلارلا ياناشي ، باشقا بؤلگه لرايسه ائرمنيلر طرفينده ن يئني ده ن ايشغال اولوندو. اودوزموش آذربايجان خالقي ، بو دورومدان چيخيش يولونو آراياركن ، كومونيستليكده ن يئني تؤوبه ائتميش كورد كؤكنلي ، يئنگي موسلمان حئيدر علي يئو ، عوصيانچي صورت حوسئين اوفلا أل بير اولاراق ، آذربايجانين ميللي حؤكومتي-نين ساختاكارليقلا ، ييخيلماسينا نده ن اولدولار. سون واختلارگونئي آذربايجان ميللي حركاتينا قارشي قورولان فيتنه لره ديققت ائتديكده ، ائلچي به ي حاكميتيه قارشي قورولان فيتنه لرين آراسيندا بير چوخ اوخشارليقلار گؤزه چارپير . سيز باخين ائلچي به ي حؤكومه تيني او واختلار و هله ده بير ميللت خائيني كيمي آدلانديريلماسينا و سايين ميللي اؤنده ريميزه قارشي حوسئين به ي تورك ائللي-نين طرفينده ن آپاريلان تخريباتلارآراسيندا اولان اورتاقليقلار، سانكي بير بوغازدان چيخميش كيميديرلر. گاموح دان بير نئچه نفر آيريلماق قرارينا گلديلر؛ آذربايجان ميللي حركاتي كيمي بؤيوك بير حركاتين ايچينده ، فيكير آيريليغي –نين دولاييسيلا ، بعضا آخساقليقلارين اولماسي ، دوغال اولاراق هئچده حركاتين ايره لي له مه سينده انگل تؤره ده بيلمه ز. فيكير آيريليغي ايله تخريبات آپارانلار آراسيندا اولان فرقلري دوشونمه لي ييك . سيز باخين سايين دوقتور يزداني به يين آيريلماسيلا حوسئين به ي تورك ائللي –نين آيريلماسينا ! حوسئين به ي طرفينده ن تخريبات آپارماقلا ياناشي بير قورومون رسمي سيته -سيني اوغورلانماسي ، حتي گاموح موخاليفلرينه ايرنج گلميشدي ؛ اونون بو ايشي بوتون ساغلام حركاتچيلارطرفينده ن اينانيلماز بير ايش كيمي ده يه رلنديريلدي . اونون بو ايشينه بير نئچه كومونيست ده ن باشقا كيمسه ده يه روئرمه دي . گاموحلا برك موخاليف اولان حركاتچيلاردان بيريسي ، حوسئين به ي تورك ائللي –نين هم ايشينده ن هم ده اؤزونده ن اوره ييم بولانير دئديكده ، اونون غيري -عقلاني ايشي نين چيركينلي ييني گؤسته رير.
كورد كؤكنلي علي يئو و اونا بنزر آذربايجان خالق-نين دوشمنلري بونو بيلمه ليديرلر كي ، آذربايجان ميللي حركاني بير اوقده ر بؤيوموش كي ، چوخلاريني او جومله ده ن ايرانين فاشيست رئژيميني سارسيلماغا سالميشدير . ايلهام علي يئو بو ايشلري ايله ، اؤز حقيقي كيملي ييني گؤسترمكده ن باشقا بيرايش گؤره بيلمه جه كدير. بلكه ده علي يئو ، خورداد حماسه سي نين بيرينجي ايل دؤنومونون عرفه سينده ، گونئي آذربايجان خالقينا قارشي ، آپارديغي فيتنه كارليقلارلا ، ايران رئژيمينه كئچميش عا ئيله وي بورجونو اؤده مك ايسته يير ! آمما بوتون بو تور فيتنه كارليقلارا رغما ، آذربايجان خالقي-نين ميللي حركاتي ، اؤز ميللي ليدئري-نين گؤستريشلري ايله اوغورلو يولونا داوام ائتمكده دير .
